Ўзбекистонда ўйнаш вариантини кўриб чиқяпман

Қозоғистон Премьер-лигаси вакили “Актобе” клубининг россиялик легионери Идрис Умаев чемпионат якунлари ҳақида фикр билдириб, келаси мавсум учун жамоа қидираётганини маълум қилди.

- “Актобе” билан шартномам 1+1 кўринишда эди. Мавсум тугади ва энди қарор қабул қилишим керак. Шу билан бирга музокаралар олиб боряпман, Қозоғистон ва Ўзбекистондан вариантлар бор. Кеча улар билан қўнғироқлашдик ҳам.

“Актобе”да қоламан, деб айтолмайман. Чунки якунланган чемпионатда жуда кам ўйнадим. Агар кейинги мавсумда ҳам шундай бўлса, бу мен учун катта минус бўлади.

Мен қаерда бўлмасин мавсумни тўлиқ ўтказиш ва мунтазам ўйнашни истайман. Ҳар бир ўйинда майдонга тушиб, ўйин тонусини ушлаб туриш жуда муҳим. Буёғини ўйлаб кўрамиз.

Лекин ишончим комилки, агар ўйнасам, жамоага фойда келтираман ва ўтган мавсумга қараганда ўзимни анча яхшироқ кўрсата оламан, - деди Идрис Умаев.

Ўтган мавсумда Идрис Умаев жами 19 та ўйин ўтказиб, 2 та гол урган ва 4 та голли пас берган.