Ўзбекистонлик футбол ишқибозлари учун хушхабар!

Хабарингиз бор, 16 майдан эътиборан Германия Бундеслигаси баҳслари давом эттирилади. Мухлисларсиз ўтказиладиган учрашувларни МТРК таркибидаги "Sport" телеканали намойиш этади. Бу ҳақда телеканал директори Зоҳид Каримов ўзининг "Twitter"даги саҳифасида маълум қилди.

"Футбол бўйича Германия Бундеслигасининг Ўзбекистондаги эксклюзив ҳуқуқи МТРКга тегишли ва насиб этса, ўйинлар каналимиз орқали намойиш этилади", - деб ёзди Каримов.

Бундеслига беллашувлари 16 май санасидан бошлаб "Боруссия" Дортмунд ва "Шальке-04" жамоалари ўртасидаги Рур дербиси билан давом эттирилиши ҳақида илгари маълумот берган эдик.