"Ўзбекистонлик Ҳабиб" "австралиялик МакГрегор"га қарши жанг қилади

12 январь куни Бангкок шаҳрида ONE Lumpine турнири ташкил этилади. Биз учун аҳамиятли жиҳати, ушбу жанг кечасида ҳамюртимиз Камронбек Ортиқов (2-0) ҳам навбатдаги жангини ўтказади.

У австралиялик Роял Куперга (4-0) қарши жанг қилади. Камронбек ушбу лигада 2-жангини ўтказяпти. У 1- жангида айнан Купернинг жамоадоши Персивал Мвамбини мағлуб этганди. Биз ушбу жанг борасида ONE FCнинг расмий менежери Озод Пардаев хамда мураббий Дониёрбек Рўзиевнинг фикрлари билан қизиқдик.

О.Пардаев: Албатта, қизиқарли жанг бўлади. Рақиб оддий эмас, бироқ Камронга ишонамиз. Ушбу жангда ғалаба қозонса, имкониятлар янада ошади. Умуман олганда мақсадимиз ўзбекистонлик жангчиларни янада юқори даражага чиқариш ва юртимиз шарафини халқаро ареналарда муносиб ҳимоя қилишдан иборат. Албатта, халқимизнинг дуоси, қўллаб-қувватлашлари орқали чиройли ғалабалаини қўлга киритамиз.

Д.Рўзиев: Тайёргарлик жуда яхши, менежеримиз Озод ака Пардаев барча имкониятларни яратиб беряпти. Камроннинг жисмоний ҳолати ҳам яхши. Бу ерда Муҳаммад Мокаев, Пётр Янлар билан машғулотлар олиб боряпмиз. Албатта, ғалаба ва мағлубият барчаси яратганни изми билан бўлади. Рақибни австралиялик МакГрегор дейишмоқда. Албатта, рақибимиз анчагина савияли, жангларини кўриб чиқдим. Рақиб австралиялик МакГрегор бўлса, шогирдим ўзбекистонлик Ҳабиб ва мен унга ишонаман. Насб қилса, чиройли ғалабага эришамиз, деган умиддаман!