Ўзбекистонлик жангчи Туркияда чемпионлик камарини қўлга киритди (Видео)

Кеча Туркиянинг Бурса шаҳрида катта ММА кечаси бўлиб ўтди. KFL (Kadirov Fighting Liga) промоушени томонидан ташкил этилган ушбу жанг оқшомининг марказий тўқнашувида ўзбекистонлик Ҳумоюн Ибрагимов эронлик Амирҳусайн Орифига қарши жанг қилди. 

Ярим енгил вазн (65.8 кг) тоифасида чемпионлик камари учун бўлган мазкур баҳсда ҳамюртимиз 2-раунд ўтиб бораётган бир паллада "учбурчак" услуби билан рақибини таслим этишни уддасидан чиқди ва промоушеннинг чемпионлик камарини қўлга киритди. 

Шу тариқа ҳамюртимизнинг профессионал фаолиятидаги рекорди 5-0 кўриниш олди. Ўз ўрнида эса ушбу ажойиб ғалаба билан юртдошимизни муборакбод этамиз. Ғалабалар бардавом бўлсин!