Ўзбекистонлик каратечилар умумжамоа ҳисобида Осиё-Океания чемпионатида ғалаба қозонди!

18-20 август кунлари Самарқанд шаҳрида ITKF каратэ-до бўйича 4-Осиё-Океания чемпионати бўлиб ўтди. Мазкур чемпионатга 15 дан ортиқ мамлакатлар ташриф буюрди. Ўсмирлар-ёшлар ва катталар ўртасида ташкил этилган ушбу мусобақа қизғин ва кечкин курашларга бой тарзда ўтди.  Иштирокчилар ката, жамоавий ката, кумите, кихон ва Эн-Бу йўналишларида ғолиблик учун баҳс юритдилар.Айниқса, жамоавий кумите беллашувлари жуда қизиқарли тарзда кечди. Муросасиз жанглардан кейин Тожикистон ва Ўзбекистон жамоалари финалга чиқди. Якунда, ажойиб ҳаракатлар эвазига Ўзбекистон вакиллари 3:0 ҳисобида ғалабага эришди ва чемпионга айланишди. 
Чемпионат якунига кўра, умумжамоа ҳисобида ҳам Ўзбекистон 1-ўрин, Тожикистон 2-ўрин ва Туркманистон 3-ўринни эгаллади.