Эртага, ҳамюртимиз Мансурбек Толипов муайтайнинг профессионал йўналиши бўйича “MAS Fight” турнирида навбатдаги жангини ўтказади. Мазкур жанг кечаси Камбоджа мамлакатида ташкил этилган. Унга мезбонлар вакили Синжа рақиблик қилади. Яна шуни алоҳида таъкидлаб ўтиш лозимки, “MAS Fight” нинг ушбу турнири янги ташкил этилган бўлиб, ғайритабиий тарзда ўтказилади. Яъни, бир раунд бўлади холос. Ушбу ягона раунд 9 минут давом этади.

Маълумот учун, Мансурбек муайтайнинг профессионал йўналишида 60 та жанг ўтказган, уларнинг 50 тасида ғалаба қозонган бўлса, 10 бора мағлубиятга учраган. Фаолияти мобайнида профи йўналишда жаҳон ва Осиё чемпионлигини қўлга киритган.