Ўзбекистонлик "Тони" 5 йиллик танаффусдан сўнг рингга қайтмоқда ёхуд у Бангкокда жанг қилади

13 февраль куни Таиланднинг Бангкок шаҳрида катта профессионал муайтай кечаси бўлиб ўтади. Биз учун аҳамиятли жиҳати, ушбу жанг кечасида 5 йиллик танаффусдан сўнг, Таиландда "Тони" номи билан машҳур юртдошимиз Қобилбек Тўлабоев яна ўз жангини ўтказади. 

Таиланднинг машҳур турнирларидан бири Lumpine "FAIRTEX FIGHT"да рингга кўтариладиган юртдошимизга мезбонлар вакили Ромсритхон Гамлаёк рақиблик қилади. 

Мазкур қарама-қаршилик -60 кг вазн тоифасида ўтказилади. Жанг 3 раунд, 3 дақиқадан иборат бўлади. 

Шу ўринда мазкур юртдошимизга омад ёр бўлишини тилаб қоламиз!