Ўзбекистонлик "Тони" Face to Face маросимида иштирок этди.Эртага жанг!

Эртага Таиланднинг Бангкок шаҳрида профессионал муайтай кечаси ташкил этилади. Fighter Muay Tay промоушени томонидан ташкил этилаётган ушбу жанг кечасида ҳамюртимиз Қобилбек Тўлабоев ҳам жанг қилади.

-57 кг вазн тоифасида рингга кўтариладиган юртдошимизга таиландлик Каевкла Каевсамрит рақиблик қилади. Мазкур жанг ғолиби Сингапурнинг нуфузли One Championship промоушени билан шартнома имзолаш мумкин бўлади.

Бугун ушбу жанг аввалида ўзига хос вазн ўлчаш маросими ҳамда нигоҳлар тўқнашуви   бўлиб ўтди.

Эслатиб ўтамиз, Тўлабоев 5 йиллик танаффусдан сўнг, яна катта спортга қайтган эди.