Ўзбекистонлик яна бир спортчида допинг аниқланди

Велоспорт бўйича Ўзбекистон терма жамоаси аъзоси Самандар Султоновнинг допинг-синамасида тестeстерон тақиқланган моддаси аниқланганлиги сабабли, велоспортчи 3 йил муддатга дисквалификация қилинди. Бу ҳақда Ўзбекистон Миллий антидопинг агентлиги маълум қилди.

"Спортчи 2022 йил 9 май кунидан бошлаб шу кунга қадар эришган барча натижалари ва рейтинг очколари, шу жумладан, 2022 йилдаги Осиё чемпиони унвонидан ҳам маҳрум бўлди", - дейилади агентлик хабарида.

Эслатиб ўтамиз, бундан олдинроқ ўзбекистонлик боксчи Хуршидбек Расулжоновнинг допинг-синамасида тақиқланган модда аниқланганлиги сабабли, у 3 йил муддатга дисквалификация қилингани ҳақида ҳам хабар берган эдик.