Ўзбекистонлик ёш шахматчилардан Жаҳон чемпионатида медаллар шодаси

Сербиянинг Врнячка Баня шаҳрида мактаб ўқувчилари ўртасида жаҳон чемпионати якунила етди. Ушбу нуфузли мусобақада Ўзбекистон терма жамоаси шахматчилари ҳам иштирок этиб, бир қатор совринли ўринларни қўлга киритди. 

"FIDE World School Chess Championships 2025" мактаб ўқувчилари ўртасида жаҳон чемпионатида 7 ёшгача қизлар ўртасида Халқаро шахмат академияси ўқувчиси Азамхўжаева Мохинур кумуш медални қўлга киритди! 



13 ёшгача қизлар ўртасида Халқаро шахмат академияси ўқувчиси Бегмуратова Сарвиноз турнирнинг олтин медалмни қўлга киритди. У 9 турдан 7,5 очко тўплаб, бирорта ҳам баҳсда мағлуб бўлмади. Сарвиноз ушбу муваффақияти билан  FIDE Women FIDE Master (WFM) унвонини олиш имкониятига ҳам эга бўлди.



15 ёшгача қизлар ўртасида Халқаро шахмат академияси ўқувчиси Имомкузиева Нилуфархон олтин медални қўлга киритди. У Сербия, Руминия, Ҳиндистон, Куба ва Грузиянинг кучли шахматчиларини мағлубиятга учратиб, халқаро рейтингини 60 пунктга оширишга муваффақ бўлди.



9 ёшгача ўғил болалар ўртасида Халқаро шахмат академияси ўқувчиси Нематуллаханов Нурмуҳаммад олтин медални  қўлга киритди. 



Чемпионатнинг умумий натижаларига кўра, Ўзбекистон терма жамоаси 3 та олтин, 2 та кумуш ва 2 та бронза медал билан, олтин медаллар сонига кўра, Қозоғистон вакилларидан кейин 2-ўринни қайд этдилар.