Ўзбекистоннинг икки клуби бир легионер учун курашади

Metaratings.ru нашри тарқатган хабарга кўра, "Алания" ярим ҳимоячиси Алан Хугаев хизматига Суперлиганинг икки клуби қизиқиш билдирмоқда. 

"Бунёдкор" ва "Сўғдиёна"  31 ёшли ҳавбекни ўз таркибида кўрмоқчи. Алан  ҳозирги клубининг вице-сардори ҳисобланади. Аммо жорий мавсумда футболчи асосий таркибдан тез-тез тушиб қолмоқда. 

Хугаев 2022/23 йилги мавсумда 13 та ўйинда майдонга тушиб, ўз ҳисобига иккита гол ёздириб қўйган. Ярим ҳимоячининг "Transfermarkt" порталидаги нархи 250 минг евро этиб белгиланган.