Ўзбекистоннинг Камерунга қарши учрашувини қандай қилиб томоша қилиш мумкин?

Яхши биласиз, эртага Ўзбекистон миллий терма жамоаси Камерунга қарши ўртоқлик учрашувида майдонга тушади.

Мазкур беллашув ЎФАнинг "YouTube"даги расмий саҳифаси орқали жонли эфирда намойиш этилади. Ташкилот матбуот хизмати бу борада ишлар олиб борилаётгани ҳақида маълум қилди. Шунингдек, МТРК таркибидаги "Спорт" телеканалида ҳам кўрсатилиши мумкин.

Бундан ташқари, эртага Ўзбекистон Олимпия терма жамоаси ҳам назорат ўйинини ўтказади. Темур Кападзе бошчилигидаги олимпиячиларимиз мезбонларга қарши майдонга тушади. Бу баҳс трансляцияси юзасидан ҳам ишлар олиб борилмоқда, дейди ЎФА матбуот котиби.

Эслатиб ўтамиз, Камерун - Ўзбекистон учрашуви Тошкент вақти билан 11:00 да старт олади. Жанубий Корея ва ўзбек олимпиячилари ўртасидаги баҳс 13:00 да бошланади.