O‘zbekistonning xalqaro turnir uchun qaydnomasi e’lon qilindi. Tarkibda legionerlar ham bor (foto)

18 mart kuni O‘zbekiston U23 terma jamoasi navbatdagi yig‘inga kirishadi.

Yoshlar terma jamoamiz 22 martga qadar Toshkentda mashg‘ulotlar olib boradi. Shundan keyin Timur Kapadze shogirdlari “Dubai Cup” xalqaro turnirida ishtirok etish uchun Dubayga jo‘nab ketadilar. Turnir doirasida vakillarimiz 23 mart kuni Saudiya Arabistoniga, 25 mart kuni esa mezbon BAA jamoasiga qarshi maydonga tushadi. 3-raqib musobaqa jadvalidan kelib chiqib belgilanadi.

Timur Kapadze ushbu yig‘inda ishtirok etadigan futbolchilarning yakuniy ro‘yxatini e’lon qildi.