O‘zil 2010 yilda nega aynan "Real"ni tanlagan edi?

Germaniya terma jamoasining sobiq yarim himoyachisi Mesut O‘zil qanday qilib "Real"ga ko‘chib o‘tganini esladi.

“Qirollik klubi” o‘shanda hali juda yosh bo‘lgan futbolchini "Verder"dan sotib oldi. Transfer 2010 yilning avgustida amalga oshirilgan.

“Real”ga o‘tishimdan oldin ham menga juda jiddiy klublar qiziqish bildirishdi, ammo aynan “Real”da menga eng yoqqan murabbiy “Real”da ishlagan. Joze Mourino bilan bo‘lgan suhbatlar tanlovimga katta ta’sir ko‘rsatgan”, - dedi germaniyalik futbolchi Madrid Xtra nashriga bergan intervyusida.

Mesut O‘zil 2013 yilgacha “Real”da o‘ynagan, shundan so‘ng Londonning “Arsenal” klubiga sotib yuborilgan. Mourinoning Madrid klubidagi faoliyati ham xuddi shu yillarga to‘g‘ri keldi - 2010 yildan 2013 yilgacha.