Ўзил "Арсенал"ни "соғишда" давом этмоқда

Мавсумни "Фенербахче"да ўтказаётган германиялик ярим ҳимоячи Месут Ўзил ҳали ҳам ўзининг собиқ жамоаси ҳисобланган "Арсенал"дан маош оляпти.

The Athletic нашри тарқатган хабарга қараганда, "канонирлар" 32 ёшли футболчи маошининг 90 фоизини, яъни ҳафтасига 400 минг евро тўлаб келмоқда. Ўзил ва "Арсенал" ўртасидаги келишувга кўра, лондонликлар унга 2021 йилнинг 30 июнига қадар маош тўлашга мажбур. Шундан сўнг Месут "Фенербахче"да ойига 75 минг евро маош олишни бошлайди.

Ўзил жорий мавсум "Фенербахче"да жами 7 та ўйинда иштирок этди. Унинг турк клуби билан амалдаги шартномаси 2024 йилга қадар имзоланган.

Месут Ўзил фаолияти давомида “Арсенал”дан “Шальке”, “Вердер” ва “Реал” каби жамоаларда ўйнаган. Германия терма жамоаси сафида 92 та ўйинда майдонга тушган ва 23 та гол уришга эришган.