Ўзил

"Арсенал" ярим ҳимоячиси Месут Ўзил "Фенербаҳче"дан бўлган таклифни кўриб чиқди ва у турк клуби билан 3 йиллик шартнома имзолашга тайёр. Бу ҳақда Mirror нашри хабар тарқатмоқда.

Айтиш лозимки, 32 ёшли германиялик футболчи айни дамда жамоадан ажралган ҳолда алоҳида шуғулланмоқда. Боиси, “Арсенал” жорий мавсум уни ҳеч қайси мусобақа қайдномасига киритмади.

Бундан аввалроқ, “канонирлар” устози Микель Артета декабрда Ўзилни қайдномага киритиши ҳақида хабарлар тарқалган эди.

Месут Ўзилнинг “Арсенал” билан амалдаги шартномаси ёзда ўз ниҳоясига етади. Transfermarkt портали талқинига кўра, унинг айни дамдаги трансфер нархи 5 млн еврога баҳоланмоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар