Палмер "орзулар жамоаси"ни тузди: унда Месси ва Неймар бор, Роналду эса йўқ

Коул Палмер “орзулар жамоаси”ни тузди: унда Месси ва Неймар бор, Роналду эса йўқ

"Челси" ярим ҳимоячиси Коул Палмер ўзининг "орзулар жамоаси"ни эълон қилди. Унга кўра, дарвозага "Реал" посбони Тибо Куртуа қўйилган. Шунингдек, таркибдан ўзи, Лионель Месси, Неймар ва Равел Моррисон ўрин олди.

Қизиғи шундаки, жамоада Криштиану Роналду учун жой топилмади.

23 ёшли англиялик футболчи бир неча бор Мессини ўз кумири сифатида тилга олган. Ҳозирда аргентиналик юлдуз АҚШнинг "Интер Майами" клубида тўп сурмоқда.

Эслатиб ўтамиз, 4 октябрь, шанба куни "Челси" Англия Премьер-лигасининг еттинчи тури доирасида "Ливерпул"га қарши ўйнайди. Аммо Палмер жароҳати сабаб муҳим учрашувда майдонга туша олмайди.