Паралимпия. 5х5 футбол бўйича Ўзбекистон чемпионати бошланди

Бугун Республика Олимпия ва Паралимпия спорт турларига тайёрлаш маркази футбол майдонида заиф кўрувчи ва кўзи ожизлар ўртасида 5х5 футбол бўйича Ўзбекистон чемпионати старт олди.

Бу галги мамлакат биринчилигида Республикамизнинг турли ҳудудларидан жами 12 та жамоа ғолиблик учун баҳс олиб бормоқда. Қашқадарё, Тошкент ва Фарғона вилояти жамоалари бош соврин учун асосий даъвогарлар сифатида эътироф этилмоқда.

Мусобақа 14 июнга қадар давом этади ва совриндорлар номи шу куни маълум бўлади.