Параосиё ўйинларида иштирок этган ёшларимиз муносиб кутиб олинди

Ўзбекистон Паралимпия терма жамоаси 2-6 декабрь кунлари Баҳрайнда бўлиб ўтган ёшлар ўртасидаги IV Параосиё ўйинларида муваффақиятли иштирок этиб юртимизга қайтиб келди.

Қаҳрамонларимиз Тошкент халқаро аэропортида муносиб кутиб олинди! Ўзбекистон делегацияси мусобақа якунларига кўра 11 та олтин, 2 та кумуш ва 5 та бронза, жами 18 та медаль қўлга киритган ҳолда, умумжамоа ҳисобида 7-ўринни эгаллади. 

Айтиш керакки, ушбу нуфузли мусобақада қитъамизнинг 30 дан ортиқ мамлакатидан 800 нафарга яқин ёш пара атлетлар иштирок этди.