"Париж-2024". Аргентина - Марокаш ўйинида нималар бўлди?

Барча Испания ва Ўзбекистон ўйинини муҳокама қилаётган бир паллада параллель равишда яна икки беллашув бўлиб ўтди. Бирида бизнинг гуруҳдаги Доминикан Республикаси ваМиср ўртасидаги қарама-қаршилик ўтказилиб, унда 0:0 ҳисобидаги нурсиз дуранг қайд этилди.

Яна бир беллашув "B" гуруҳи доирасидаАргентина ваМарокаш ўртасида ўтказилди. Мана бу ўйин эса ҳақиқий драмага айланиб кетди. Дастлаввал бизга 2023/2024 йилги мавсум Осиё чемпионлар лигасидаги ёрқин ўйинлари билан эсда қолган Софиан Раҳими кетма-кет 2 та гол уриб, кутилмаганда Африка қитъаси вакилларини ҳисобдаги ишончли устунлигини таъминлади. Иккинчи бўлимда аргентиналиклар ҳисобни қисқартиришга муваффақ бўлди. Бир қарашда барчаси шу билан тугайдигандек. Аммо 90+16 дақиқада Кристиан Мэдина гол уриб, драматик ўйинга нуқта қўйгандек бўлди. Беллашув якунига яқин майдонга мухлислар югуриб чиқиб, тартибсизликлар уюштириши натижасида баҳс тўхтаб қолди. Бу вазиятга қадар мазкур ўйин якунигача атиги 3 дақиқа қолганди. 

Орадан бироз вақт ўтиб, беллашув давом эттирилди ва такрорий вазиятдан сўнг Аргентинанинг 2-голи офсайд ҳолатида киритилган деб топилиб,(1-расм) бекор бўлди. Мана шу воқелик атиги бир неча дақиқа ичида катта шов-шувларни келтириб чиқарди. Хусусан, лотин америкаси вакиллари бош мураббийи Хавиер Маскерано "Бу ўйин ҳақиқий масхарабозлик бўлди" дея фикр билдирди. Аргентина афсонаси Лионел Месси эса қарама-қаршиликка нисбатан инстаграм саҳифаси орқали "инсолито", яъни ғайриоддий дея таъриф берди

Хуллас Олимпиаданинг дастлабки кун ўйинлари ана шундай тарзда якунланди. Мусобақа сўнгига қадар бизни яна қандай антиқа ва кутилмаган воқеалар қарши оларкин билмадик.