Париж Олимпиадасига яна бир лицензия қўлга киритилди!

Бутунжаҳон сув спорти турлари федерацияси (World Aquatics) Париж-2024 ёзги Олимпия ўйинларига йўлланма қўлга киритган спортчилар номини эълон қилди. Аҳамиятлиси, улар орасида Ўзбекистон терма жамоаси аъзоси Анастасия Зелинская ҳам 4 йилликнинг энг нуфузли мусобақаси иштирокчилари қаторида эътироф этилди.

Ўзбекистон Миллий Олимпия қўмитаси матбуот хизматининг маълум қилишича, атлетимиз бўлажак баҳсларда 400 метрга эркин усулда сузиш дастурида юртимиз шарафини ҳимоя қилади.