Парижликлар “Реал”нинг Мбаппе бўйича супертаклифини рад этди!

ПСЖ раҳбарияти Килиан Мбаппе трансферидан кўпроқ пул ишлаш мақсадида “Реал”нинг биринчи таклифини рад этди.

“Реал” бир неча мавсумдан бери трансфер бозорига кирмаяпти. Мадридликлар анчадан бери бир футболчи – Килиан Мбаппени олмоқчи. Шу ёзда клуб бир неча ўйинчисини сотишга муваффақ бўлди ва ўз орзусидаги футболчини олиш ҳаракатларини бошлаш имкониятини қўлга киритди.

Парижликлар ўз ҳужумчиси учун таклиф қилинган 160 миллион евролик таклифга рад жавобини берди. Бир қарашда, “Реал”ни Мбаппега эришиш орзусини инобатга олган ПСЖ  хўжайинлари Флорентино Перес янада кўпроқ маблағ тикишини кутаётгани кўриниб турибди.

Мутахассисларнинг таъкидлашича, “Реал” 31 августга қадар яна бир таклиф беради.