Ads

12 март куни "Пахтакор" Тошкентда Саудия Арабистонининг "Ал Аҳли" жамоасини Чемпионлар Лигаси 2-тур ўйини доирасида қабул қилади.

"Шерлар" ушбу жамоага қарши илк бор 2005 йил Чемпионлар Лигаси гуруҳ босқичида тўқнаш келишган. Ўшанда Жиддада мезбонлар 3:0 ҳисобида зафар қучишган бўлса, Тошкентда 20 апрель санасида ўтган учрашувда Леонид Кошелев ва Анвар Солиевнинг голлари эвазига 2:1 ҳисобида "шерлар" ғалаба қозонишган.

Саудия Арабистони клубларига қарши "Пахтакор" 23 баҳсда майдонга тушган. Уларда 3 ғалаба, 5 дуранг ва 15 мағлубият кузатилган. Рақиблар дарвозалари 16 бор ишғол қилиб, 48 марта тўп ўтказиб юборган. Тошкентда ўтган 11 беллашувда 2 ғалаба, 4 дуранг ва 5 мағлубият қайд этган. Голлар нисбати 11-17ни ташкил қилади.

"Пахтакор"нинг Саудия Арабистони клубларига қарши қайд этган натижалари билан танишинг:

Ал Аҳли - 2:1, 0:3

Ал Иттифоқ - 2:1, 1:0, 0:2

Ал Иттиҳод - 0:3, 0:1, 1:1, 0:4, 0:4, 1:2

Ал Наср - 2:2, 0:4

Ал Ҳилол - 0:2, 0:2, 1:1, 0:2, 2:2, 0:4

Ал Шабаб - 1:3, 1:2, 2:2, 0:2