"Пахтакор" - "Қизилқум": Матнли трансляция

Бироздан сўнг Суперлига 22-туридан ўрин олган "Пахтакор" - "Қизилқум" ўйини старт олади. Мазкур ўйиндан матнли трансляцияни сайтимиз орқали кузатиб боришингиз мумкин. 

• 90+3'
  

  Учрашув якунланди. "Пахтакор" ўз майдонида қийинчилик билан ғалаба қозонди!

• 90+1'

  Жарима майдони остонасида Кенжабоев йиқилиб тушди. Норсафаров ўйинни давом эттиришга рухсат берди.

• 90'
  

  Ўйиннинг асосий вақтига 4 дақиқа қўшилди.

• 89'

  Матич ҳужумда қоида бузди. 

• 87'

  Жарима майдонига кирган Кенжабоев тўпни ўзидан узоқлаштириб юборди. Қувватов хавфни бартараф этди.

• 85'

  Ўйин сўнгида ҳам "шерлар" тўп назорати билан вақт ўтказмоқда.

• 83'
  

  Достон Ҳамдамов ўз ўрнини Ҳожимат Эркиновга бўшатиб берди.

• 80'
  

  Элгужа Григалашвили ўрнига Мате Ватсадзе ўйинга қўшилди.

• 78'
  

  Иминовга нисбатан қоида бузган Тўхтахўжаев сариқ карточкага лойиқ кўрилди.

• 77'
  

  Драган Черан 4-голини урди. Бироқ ҳакам офсайд туфайли голни инобатга олмади.

• 76'

  Эркин Бойдуллаевнинг бош билан йўллаган зарбаси бироз ноаниқ кетди.

• 75'

  Хюистра шогирдлари жарима майдонини анча яхши қўриқламоқда.

• 73'
  

  Боян Матич воқеалар ривожидан илгарилаб кетди. Ҳакам ўйинни тўхтатди.

• 71'

  "Қизилқум" футболчилари ўйинга қайтишга ҳаракат қиляпти. Бироқ "шерлар" мудофаада ишончли ўйин кўрсатмоқда.

• 69'
  

  Собирхўжаев ва Холматов ўрнига Иминов ҳамда Турғунбоев ўйинга қўшилди.

• 66'
  

  ГООООООООООООЛ! Черан хет-трикни нишонлади!

  Драганнинг стандартдан берган мукаммал зарбаси дарвозани тўққизлигидан жой олди.

• 66'
  

  Шаҳзод Туропов ўрнига Жамшид Ҳасанов майдонга тушди.

• 65'
  

  Олег Толмасов огоҳлантирилди.

• 63'

  Ҳисобда ортда қола бошлаган Актамов шогирдлари назоратни қўлга олишга ҳаракат қиляпти.

• 61'
  

  ГОООООООООООООЛ! "Пахтакор" ҳисобда олдинга ўтиб олди!

  Яна ўнг томонга зарба берган Черан Нестеровни ожиз қолдирди.

• 59'
  

  Жарима майдони ичида Исмоилов йиқилиб тушди. Ҳакам иккинчи бор пенальти белгилади.

• 56'

  Курашлар асосан майдон марказида кечмоқда.

• 54'
  

  Аброр Исмоиловга сариқ карточка кўрсатилди.

• 52'

  Чераннинг жарима майдони ташқарисидан берган зарбаси ноаниқ кетди.

• 51'

  Иккинчи тайм ҳам тенг курашлар остида давом этмоқда.

• 49'

  Жарима майдони ичида Григалашвили зарба беришга кечикди. Қулай имконият қўлдан кетди.

• 48'
  

  Муҳсинжон Убайдуллаевга сариқ карточка кўрсатилди.

• 46'
  

  Иккинчи таймга старт берилди!

• 45+2'
  

  Танаффус!

• 45+1'
  

  ГОООООООООООЛ! "Қизилқум" ҳисобни 2:2 кўринишига келтирди!

  Жарима майдони марказига оширилган тўпни Бойдуллаев дарвозага тўғирлаб юборди.

• 45'
  

  Биринчи таймга 1 дақиқа қўшилди.

• 44'

  "Пахтакор" ҳимоячилари ўзаро тортишиб қолди.

• 43'
  

  Драган Черанга сариқ карточка кўрсатилди.

• 40'

  Шерзод Темировнинг бош билан йўллаган зарбасига аниқлик етишмади.

• 38'
  

  ГООООООООООООООЛ! "Пахтакор" ҳисобда олдинга ўтиб олди!

  Нуқта қаршисига келган Драган Черан ўзидан ўнг томонга зарба йўллаб, дарвозабонни ожиз қолдирди.

• 37'

  "Пахтакор" стадионида бўлиб ўтаётган мазкур баҳсда ВАР йўқ. Шу боис, Норсафаровнинг қарори муҳокама қилинмайди.

• 36'
  

  Ҳакам эътироз учун Нестеровга сариқ карточка кўрсатди.

• 35'
  

  Жарима майдони ичида тўп Григалашвилининг қўлига тегди. Норсафаров пенальти белгилади.

• 34'

  Қарши ҳужумга ўтаётган Кенжабоевни Чобанов тактик фол эвазига тўхтатди.

• 32'

  Ҳамдамов яқин масофадан зарба беришга кечикди. Тўп Тўхтахўжаевдан ўтмади.

• 30'

  Жарима майдони остонасида Холматов йиқилиб тушди. Ҳакам ўйинни давом эттиришга рухсат берди.

• 28'

  Юзага келган тўхталишлар ўйин темпи пасайишига сабаб бўлди.

• 26'
  

  Шифокорлар яна майдонга тушиб келди. Бу сафар Собирхўжаевга ёрдам кўрсатилиши лозим.

• 24'
  

  Шароф Муҳитдиновнинг стандартдан берган зарбасидан кейин тўп Қамбаровга тегди. Файзуллага тиббий ёрдам керак.

• 22'

  Жамоадоши узатган тўпга Шерзод Темиров ета олмади.

• 20'

  Ислом Тўхтахўжаевнинг зарбаси бироз ноаниқ кетди.

• 19'

  Актамов шогирдлари рақиб жарима майдони яқинида стандарт вазиятга эга бўлди.

• 17'

  Сайфиевнинг уриниши муваффақиятсиз якунланди.

• 15'

  Ўйин тенг курашлар остида давом этмоқда.

• 13'
  

  ГОООООООООООООЛ! "Қизилқум" мувозанатни тиклади!

  Жарима майдонига ёриб кирган Григалашвили посбонни алдаб ўтиб, бўш қолган дарвозага тўпни йўллади.

• 11'

  Ўйин Хюистра шогирдларининг кичик устунлиги остида давом этмоқда.

• 9'
  

  Дарвозабон билан бирга-бир вазиятга чиқиб борган Кенжабоевнинг зарбасидан сўнг Қувватов тўпни қайтарди. Ортдан етиб келган ҳимоячилар хавфни бартараф этди.

• 7'

  "Шерлар" тўп назоратини қўлга олмоқда.

• 5'

  Тезкор гол ўтказиб юборган навоийликлар дарҳол олдинга ўта бошлади.

• 3'
  

  ГОООООООООООООЛ! Учрашувда ҳисоб очилди!

  Чап қанотдан оширилган тўпни Мустафоев ўз дарвозасига тўғирлаб юборди. Тўп йўл-йўлакай Нестеровга тегиб, дарвоза тўридан жой олди.

• 1'
  

  Ўйин бошланди!

• 0'

  Футболчилар майдонга тушиб келди. Старт учун барчаси тайёр!