"Пахтакор" аутсайдер клубга қарши ўйинда очко йўқотди

Ўзбекистон Суперлигаси 21-туридан ўрин олган "Сурхон" - "Пахтакор" учрашуви ниҳоясига етди. Унда томонлар 1:1 ҳисобидаги дурангга имзо чекди.

Дастлаб, тошкентликлар дарвозасига белгиланган пенальтини аниқ ижро этган Рубен Санчес Перес 2-дақиқада ҳисобни очди. Бунга меҳмонлар 31-дақиқада Аббосбек Файзуллаевнинг голи эвазига жавоб қайтарди.

Шу тариқа, Шацких шогирдлари очколари сонини 39 тага етказиб олди. Термизликлар ҳисобида 20 очко бор.

Эслатиб ўтамиз, "шерлар" ўтган турда "Насаф"га имкониятни бой берганди.