"Пахтакор" Эрен Дердийокнинг трансферини эълон қилди. Футболчи машғулотларга ҳам киришди (Фото)

Швейцария терма жамоаси сафида жаҳон ва Европа чемпионатлари финал босқичи иштирокчиси бўлган тажрибали ҳужумчи Эрен Дердийок "Пахтакор"нинг навбатдаги трансферига айланди. Футболчи жамоа билан эркин агент сифатида икки йиллик шартномага имзо чекди. Бу ҳақда клуб матбуот хизмати хабар берди.

Дердийок фаолиятини Швейцариянинг "Олд Бойз" жамоасида бошлаган. Кейинчалик яхши ўйинлари билан ўша пайтда мамлакатда гегемон саналган клуб "Базель" эътиборини жалб қилган. Шундан сўнг Германия бундеслигасида "Байер" ва "Хоффенхайм" клублари шарафини ҳимоя қилган. 2014 йилдан у фаолиятини Туркияда давом эттириб, "Қосимпошо", "Галатасарой" ва "Гўзтепе" жамоаларида тўп тепди. "Базель" ва "Галатасарой" таркибида Швейцария ва Туркия чемпионига айланган. Миллий терма жамоаси сафида эса кўплаб муваффақиятли ўйинларда майдонга тушиб, Европа ва жаҳон чемпионатлари финал босқичларида иштирок этиб, мухлислар қалбидан жой олган.

Эрен ДЕРДИЙОК
Туғилган санаси: 12.06.1988
Туғилган жойи: Базель, Швейцария
Бўйи: 191 см
Амплуаси: ҳужумчи
Фаолияти:
2004–2006 Олд Бойз 18 ўйин, 10 гол
2006–2009 Базель 63 ўйин, 17 гол
2009–2012 Байер 90 ўйин, 25 гол
2012–2014 Хоффенхайм19 ўйин, 1 гол
2013–2014 Байер 18 ўйин, 1 гол
2014–2016 Қосимпошо 40 ўйин, 15 гол
2016–2019 Галатасарой 63 ўйин, 20 гол
2019 Гўзтепе 5 ўйин
Швейцария терма жамоасида 60 учрашувда 11 гол урган.

Ютуқлари: Швейцария чемпиони-2008, Швейцария Кубоги соҳиби-2008, Туркия чемпиони-2018, Туркия Суперкубоги соҳиби-2016.
Швейцариянинг энг яхши ёш футболчиси-2008.

photo_2020-01-17_22-48-06

 

Фикрлар

Фикр қолдириш учун авторизациядан ўтинг!
&
AzizGazieff-Marco Simic 55 PFK Pakhtakor Tashkent Uzbekistan GoLions
17/01/2020 23:58
Германия чемпионатида уйинларини кузатганман.
Яхши хкжумчи эди.
Адебайор каби машхур булмаса хам нисбатан номдор хужумчи клубимизга келгаги чхши булди.
Суперлиганинг бу йилги тупурари энди АНИҚ!
Хуш келибсан!