"Пахтакор" футболчисининг кетиши аниқ, фақат...

“Пахтакор” клуби ҳимоячиси Иброҳимхалил Йўлдошевга Италиянинг “Женоа” клуби таклиф билан чиққани хусусида хабар бергандик.

Бу борада футболчи Sports.uz сайтига интервью ҳам берганди. Ҳозирча ушбу ўйинчининг трансфери расман амалга ошгани йўқ. “Пахтакор” клуби спорт директори Жаъфар Ирисметов Йўлдошев масаласига ойдинлик киритди.

- Иброҳимхалил Йўлдошевнинг кетиши аниқ. Фақат қайсидир клубдан расмий хат келмагунича бирор нима дейишим қийин. Аммо кўпроқ Россия клубига ўтса керак, менимча.

Қачонки, расмий хат келиши билан биз бу масалага жавоб бера оламиз. Унгача ҳар хил гап-сўзлар чиқяпти. “Женоа”га ўтяпти, “Сьон”га кетяпти ва яна бошқа клубларни айтмоқдалар. Лекин кетиши аниқ бўлган, - деди Ирисметов.