Мавсумни муваффақиятли бошлаган "Пахтакор" Суперлиганинг 4-турида "Металлург"га қарши баҳс олиб боради.

Клуб матбуот хизматининг маълум қилишича, ушбу жамоалар шу кунга қадар ўзаро 48 марта тўқнаш келган. "Шерлар" 40 беллашувда зафар қучишган, 4 ўйинда "Металлург" ғолиб чиққан. 4 учрашувда жамоалар дуранг қайд этилган. “Пахтакор” 128 та гол уриб, ўз дарвозасидан 36 та тўп олиб чиққан. "Металлург"ни айни пайтда Жасур Абдураимов бошқармоқда. Ушбу мутахассис охирги бир неча йилда "Пахтакор" мураббийлар штабида фаолият юритганини алоҳида қайд этиш лозим.

Ушбу жамоаларнинг пойтахтдаги ўйинларида 22 марта “Пахтакор” устун келган бўлса, 2 учрашувда дуранг кузатилган. Пойтахт жамоаси уйдаги баҳсларда "Металлург"га умуман мағлуб бўлмаган. Охирги 10 ўйиннинг барчасида "Пахтакор" ушбу рақибни мағлубиятга учратиб келмоқда. Сўнгги марта Бекобод жамоаси 2016 йилги мавсумда ўз майдонида 2:0 ҳисобида ғалабага эришган. Ўзаро баҳсларда энг йирик ғалаба - 6:0 натижаси "Пахтакор"га тегишли. 2003 ва 2006 йилларда "шерлар" рақибни шундай натижалар билан доғда қолдиришган. "Пахтактор"нинг йирик ғалабалари сони жами 16тани ташкил қилади.

Беллашувни дисквалификация туфайли ўтказиб юборадиган футболчилар йўқ.

"Пахтакор" ва "Металлург" ўртасидаги учрашув 2 апрель куни "Пахтакор" стадионида соат 18:30да бошланади.

Матнда хатолик топсангиз, ўша хатони белгилаб, бизга жўнатинг (Ctrl + Enter)