"Пахтакор" легионери учун яхшироқ таклиф тушса, кўриб чиқишга тайёр
"Пахтакор" клуби ҳужумчиси Эрен Дердийок мавсум бошидан бери жамоа шарафини ҳимоя қилмоқда. Швейцария терма жамоаси сафида жаҳон ва Европа чемпионатлари финал босқичи иштирокчиси бўлган Эрен Дердийок "шерлар" билан эркин агент сифатида икки йиллик шартнома имзолаганди.
SPORTS.uz сайтига маълум бўлишича, "Пахтакор" клуби раҳбарияти ҳужумчи учун яхшироқ таклиф тушса, кўриб чиқишга тайёр. Агар тошкентликларни қаноатлантирадиган келишув бўлса, "шерлар" Эрен Дердийокни қўйиб юбориши мумкин.
"Пахтакор" бу мавсум шартномаси тугайдиган Шота Арвеладзе борасида бир қарорга келган кўринади
.jpg?1606116668303)
Дердийок фаолиятини Швейцариянинг "Олд Бойз" жамоасида бошлаган. Кейинчалик яхши ўйинлари билан ўша пайтда мамлакатда гегемон саналган клуб "Базель" эътиборини жалб қилган. Шундан сўнг, Германия Бундеслигасида "Байер" ва "Хоффенхайм" клублари шарафини ҳимоя қилган. 2014 йилдан у фаолиятини Туркияда давом эттириб, "Қосимпошо", "Галатасарой" ва "Гўзтепе" жамоаларида тўп тепди. "Базель" ва "Галатасарой" таркибида Швейцария ва Туркия чемпионига айланган. Миллий терма жамоаси сафида эса кўплаб муваффақиятли ўйинларда майдонга тушиб, Европа ва жаҳон чемпионатлари финал босқичларида иштирок этган.
Бу мавсум Эрен "Пахтакор" билан ҳозирча, муддатидан олдин Суперлига чемпионлигини қўлга киритди.
Фикрлар