"Paxtakor" muxlislari bilan uchrashuv o‘tkazildi

"Paxtakor" futbol klubi rahbariyati yakshanba kuni "Paxtakor" stadionida jamoa muxlislari bilan uchrashuv o‘tkazdi.

Unda jamoa bosh murabbiyi Piter Xyuistra, sport direktori Ja’far Irismetov, strategik rivojlanish bo‘yicha direktor o‘rinbosari Avaz Mutalov ishtirok etdi.

Yig‘ilishda muxlislar jamoaning yangi mavsumga tayyorgarligi, transferlar, jamoaning joriy mavsum uchun maqsadlari, muxlislarga sharoitlar borasida o‘zlarini qiziqtirgan savollarni klub rahbariyatiga yo‘llashdi va bu borada o‘zlari uchun muhim ma’lumotlarga ega bo‘lishdi.

Shuningdek, 2021 yil "Paxtakor"ni qo‘llab-quvvatlash turish borasida o‘z fikrlarini bildirishdi. Klub rahbariyati ham ishqibozlarning jamoa uchun jon kuydirishiga minnatdorchilik bildirib, muxlislar bilan bunday muloqotlarga doim tayyor ekanini bildirdi.