"Пахтакор" ОЧЛдаги қолган ўйинларини Тошкентда ўтказмаслиги мумкин

Ўзбекистонлик таниқли мутахассис Алишер Никимбаев телеграмдаги ўзининг саҳифасида ОЧЛ-2020 мусобақасининг кейинги тақдири борасида маълумот берди. Унинг ёзишича, хорижлик ҳамкасблари қуйидагиларни реал сценарий сифатида кўришмоқда.

* Сентябрда гуруҳ босқичини марказлашган ҳолда қайта бошлаш; (яъни бунда бир мамлакатда турнирни ўтказиш назарда тутилмоқда)

* 1/8 босқичдан то финалга қадар ҳам мусобақа марказлашган ҳолда битта ўйиндан иборат бўлади;

Булар ОФКга вақтни тежаш ва жорий йилги турнирни якунлашга имконият тақдим этади. Бу нафақат ғолибни клублар ўртасидаги жаҳон чемпионатига юбориш, бакил биринчи навбатда ўзининг маркетинг ҳамкори олдидаги мажбуриятларни бажариш нуқтаий назардан жуда муҳим. Тўғри, ўйинлар сони камаяди, бу ҳам шартнома шартларининг бузилиши, аммо мазкур йўл янада кўпроқ йўқотмаслик учун ташкилот хайрия қилиши мумкин бўлган минималдир.