"Paxtakor" o‘z stadioni tayyor bo‘lgunga qadar uy uchrashuvlarini qaerda o‘tkazadi?

"Paxtakor" o‘z stadioni tayyor bo‘lguniga qadar raqiblarini Jarda qabul qiladi. Bu haqda O‘zPFL xabar berdi.

2024-yilgi mavsumda bo‘lgani kabi Paxtakor o‘z raqiblarini Jar stadionida qabul qilishi ma’lum bo‘ldi. 

Avvalroq klub prezidenti OAV bilan suhbatda stadion maydonini ta’mirlash masalasiga to‘xtalib o‘tgandi. Maydonning drenaj va sug‘orish tizimi, chimi, shuningdek, projektorlar va muxlislar joy oladigan sektorlar ta’mirdan chiqarilgach, Liga Paxtakor stadionini qayta qabul qilish ishlarini boshlaydi. Unga qadar esa klub o‘z uy uchrashuvlarini Jarda o‘tkazib turadi.