"Пахтакор" ўз стадиони тайёр бўлгунга қадар уй учрашувларини қаерда ўтказади?

"Пахтакор" ўз стадиони тайёр бўлгунига қадар рақибларини Жарда қабул қилади. Бу ҳақда ЎзПФЛ хабар берди.

2024-йилги мавсумда бўлгани каби Пахтакор ўз рақибларини Жар стадионида қабул қилиши маълум бўлди. 

Аввалроқ клуб президенти ОАВ билан суҳбатда стадион майдонини таъмирлаш масаласига тўхталиб ўтганди. Майдоннинг дренаж ва суғориш тизими, чими, шунингдек, прожекторлар ва мухлислар жой оладиган секторлар таъмирдан чиқарилгач, Лига Пахтакор стадионини қайта қабул қилиш ишларини бошлайди. Унга қадар эса клуб ўз уй учрашувларини Жарда ўтказиб туради.