"Пахтакор" тез орада Ўзбекистон чемпионатида биринчи бўлиб, 1900-голини уриши мумкин. Бу ҳақда клуб матбуот хизмати хабар берди.

Ҳозирга қадар "шерлар"нинг Ўзбекистон чемпионатида киритган жами тўплари сони 1882тага етди. Яна 18 та гол урилгач, жамоа ўзининг юбилей 1900-голини нишонлайди. "Пахтакор"дан кейин, бу борада айни пайтда Про лигада иштирок этаётган "Нефтчи" бўлиб, фарғоналиклар 1566 та гол урган.

Ўзбекистон чемпионатида "шерлар" 837 ўйиннинг 571 тасида зафар қучган. 134 дуранг ва 132 мағлубият қайд этилган. СССР чемпионати билан қўшиб ҳисоблаганда эса, "Пахтакор" чемпионатларда жами 2079 учрашувда майдонга тушиб, 1013 ғалаба, 483 дуранг ҳамда 583 мағлубиятга эга. Рақиб дарвозаси 3464 марта ишғол қилинган. Дарвозадан 2309 гол ўтказиб юборилган.

Матнда хатолик топсангиз, ўша хатони белгилаб, бизга жўнатинг (Ctrl + Enter)