"Пахтакор" Риан Исломов билан шартномани узайтирди (Фото)

Иқтидорли ярим ҳимоячи Риан Исломов "Пахтакор" билан келишувни узайтирди. Бу ҳақда клуб матбуот хизмати хабар берди.

Манбанинг маълум қилишича, Исломов 2022 йил охиригача "шерлар" билан келишувга имзо чекди. Ёш футболчининг ўзини кўрсатиши давом этган тақдирда у билан шартномани узоқроқ муддатга имзолаш борасида музокаралар бўлиб ўтади.

Риан 2021 йилги мавсумда U-18 ва U-21 жамоалари сафида жами 19 ўйинда майдонга тушиб, 2 гол муаллифига айланди.