"Пахтакор" ва "Насаф" етакчи, "Навбаҳор"дан биттагина - Катанец йиғинга қайси клубдан нечта футболчи чақирди?

Бугун ЎФА матбуот хизмати миллий терма жамоамиз бош мураббийи Сречко Катанецнинг "Navruz Cup" турнири учун танлаган таркибини эълон қилди.

Рўйхатдан 25 нафар футболчи ўрин олган бўлиб, улардан 7 таси легионер сифатида ҳаракат қилмоқда. Қолганлар ўзимизнинг ички чемпионатда тўп тепаётган футболчилар ҳисобланади.

Клублар кесимида оладиган бўлсак, "Насаф" 6 та (Эргашев, Эшмуродов, Саитов, Насруллаев, Алиқулов, Бозоров), "Пахтакор" 6 та (Сайфиев, Алижонов, Ҳамробеков, Турғунбоев, Эркинов, Собирхўжаев), АГМК 3 та (Раҳимов, Комилов, Абдуллаев), "Навбаҳор" битта (Юсупов), "Локомотив" битта (Қобилов) ва "Қўқон-1912" биттадан (Сидиқов) футболчи жўнатди.

Кўриб турганингиздек, Суперлигамизда тинимсиз рақобат қилиб келадиган "Пахтакор" ва "Насаф" бу ерда ҳам ўзига хос кураш олиб бормоқда.