"Пахтакор" ва "Насаф"нинг Суперкубокдаги ғалати ўхшашлиги

Бугун Яйпанда катта футбол байрами. "Ўзбекистон" стадиони Суперкубок баҳсини қабул қилмоқда.

Мамлакатимизнинг кучли жамоалари "Пахтакор" ва "Насаф" ўзаро беллашади. "Шерлар" Суперлига чемпини сифатида, "аждарлар" эса кубокни қўлга киритиб, мана шу учрашувга етиб келди. Ўйин 16:00да бошланади.

Тарихна назар соладиган бўлсак, Суперкубок 6 марта ўтказилган. "Пахтакор" 4 марта иштирок этган ва бир бор совринни қўлга киритган. "Насаф" 2 марта қатнашиб, бир бор ғалабага эришган.

Қизиқ томони, бугунги жамоаларнинг биттадан ғалабаси айнан ўзаро ўйинларда қайд этилган. Яъни қаршиликлар 2016 йили "Бунёдкор" стадионида "Пахтакор"ни 1:0 ҳисобида таслим этган. "Пахтакор" 2021 йили "Динамо" ўйингоҳида "Насаф"ни ҳудди шу ҳисобда доғда қолдирган.

Қуйида Ўзбекистон Суперкубогида қайд этилган натижалар билан танишинг:

1999 йил. "Навбаҳор" - "Пахтакор" 4:2. "Нефтчи" стадиони (Фарғона)

2000-2013 йиллар ўтказилмаган

2014 йил. "Бунёдкор" - "Локомотив" 2:1. "Жар" стадиони (Тошкент)

2015 йил. "Локомотив" - "Пахтакор" 4:0. "Бунёдкор" стадиони (Тошкент)

2016 йил. "Насаф" - "Пахтакор" 1:0. "Бунёдкор" стадиони (Тошкент)

2017-2018 йиллар ўтказилмаган

2019 йил. "Локомотив" - АГМК 2:1. "Пахтакор" стадиони (Тошкент)

2020 йил ўтказилмаган

2021 йил. "Пахтакор" - "Насаф" 1:0. "Динамо" стадиони (Самарқанд)