"Пахтакор" ва "Навбаҳор"нинг собиқ мураббийи хорижда иш бошлади (фото)

Футболчи ва мураббий сифатида ўзбек мухлисларига яхши таниш бўлган Нўъмон Ҳасанов янги иш жойига кўчиб ўтди.

51 ёшли мутахассис Тожикистоннинг "Истаравшан" жамоаси бош мураббийи сифатида таништирилди. Бу ҳақда клуб матбуот хизмати хабар бермоқда. 

"Истаравшан" жамоаси ўзбекистонлик таниқли мураббий Нўъмон Ҳасанов билан шартнома имзолади. У бунгача "Пахтакор" ва "Қўқон-1912" каби клубларда ишлаган",дейилади баёнотда.

Маълумот учун, Ҳасановнинг сўнгги иш жойи Наманганнинг "Навбаҳор"и бўлганди.