"Пахтакор" яна бир трансферни эълон қилди (Фото)

"Пахтакор" клуби кетганлар ўрнини тўлдириш билан шуғулланмоққда. "Шерлар" бу гал ҳам "Бунёдкор"дан футболчи трансфер қилди. Бу ҳақда клуб матбуот хизмати хабар берди. 

Манбанинг маълум қилишича, ўтган мавсумни "Бунёдкор"да ўтказган Авазбек Ўлмасалиев эркин агент сифатида "Пахтакор" сафига кўчиб ўтди ва икки йиллик келишув имзолади.

Ҳимоя ва ярим ҳимояда ўйнай оладиган Авазбек Суперлигада дебютини 17 ёшида "Нефтчи" таркибида нишонлаган. Суперлигада ҳозирга қадар "Нефтчи", "Локомотив" ва "Бунёдкор" сафида 63 учрашувда 8 гол муаллифига айланган.