"Пахтакор"нинг Туркия йиғини доирасидаги рақиблари маълум

"Пахтакор"нинг Туркиядаги ўқув-йиғин машғулотлари давомидаги рақиблари маълум. Клуб матбуот хизматининг хабарига кўра, ҳозирча 6 та жамоа билан ўйин бўйича шартнома имзолади. Педру Морейранинг режасига кўра 9 тага яқин ўйин ўртоқлик учрашувида майдонга тушиши керак.

Аниқ бўлган рақиблар билан таништириб ўтамиз:

8 январь. "Униря Слобозия" (Руминия)
12 январь. "Динамо" (Хорватия)
15 январь. "Карвина" (Чехия)
18 январь. "Елимай" (Қозоғистон)
26 январь. "Актобе" (Қозоғистон)
28 январь. "Силекс" (Шимолий Македония)

Селекция ишларига келадиган бўлсак, бугунгача 2 нафар янги футболчи билан шартнома имзоланди. Мураббий маҳаллий кадрлардан келиб чиқиб амплуалар бўйича хорижлик ҳамкорлари билан ишлашда давом этади. Қолаверса, яна сифатли легионерлар келиши режалаштирилган.