Педри: "Биз Мундиал чемпионлиги учун номзодлардан бири эканлигини биламиз"

"Барселона" ярим ҳимоячиси Педри Испаниянинг бўлажак Жаҳон чемпионатидаги имкониятлари ҳақида гапирди.

"Биз мусобақа чемпионлиги учун номзодлардан бири эканлигини биламиз, чунки биз ажойиб натижалар кўрсатяпмиз. Ҳозирда жуда кучли ўйинчилар авлодига эга таркибимиз бор. Лекин бунга эътибор қаратмаймиз - ҳар бир индивидуал ўйинга эътибор қаратишга ва ривожланишда давом этишга ҳаракат қиламиз. Ишонаманки, катта марраларга эриша оламиз", деди Педри Миср билан ўйиндан кейин берган интервьюсида.

Эслатиб ўтамиз, Испания 2026 йилги Жаҳон чемпионатида Кабо-Верде, Саудия Арабистони ва Уругвай билан бир гуруҳда иштирок этади.