Педрига индивидуал совринлар керак эмас!

"Барселона" ярим ҳимоячиси Педри ҳеч қачон индивидуал соврин ютиш ниятида эмас шекилли. Испаниялик ярим ҳимоячи фаолияти давомида дунёнинг энг яхши ёш футболчисига бериладиган "Golden Boy" мукофотини қўлга киритган эди.

“Мен ҳеч қачон “Олтин тўп” ёки бошқа шахсий совринни қўлга киритишни ўз олдимга мақсад қилиб қўймаганман. Шунга қарамай, ҳар куни яхшиланишга ҳаракат қиламан. Нуфузли индивидуал совринни қўлга киритиш яхши, лекин мен ўз олдимга бундай мақсадларни қўймайман", - дея Педрининг сўзларини келтиради "Mundo Deportivo".

Эслатиб ўтамиз, Педри ушбу мавсумда "кўк-анорранглилар"сафида 26 баҳсда қатнашиб, 6 та гол ва самарали узатма амалга ошириб, жамоасининг Ла Лигада ғолиб чиқишга ёрдам берди.