Педру Морейра: "Биз учун қийин бўлиши мумкин, лекин келажак учун меҳнат қиляпмиз"

Бугун Тошкентнинг "Пахтакор" жамоаси "Ал-Ҳилол"га қарши Элит Чемпионлар лигаси 1/8 финал бочқичи жавоб учрашувиини ўтказади. Учрашув олдидан матбуот анжумани бўлиб ўтди ва унда Педру Морейра қатнашиб, журналистларнинг саволларига жавоб берди. 

"Ал-Ҳилол" жуда яхши футбол намойиш қиладиган ва тажрибали мураббий қўл остидаги ажойиб жамоа. Бу мутахассис мусобақада энг катта тажрибага эга. Биз ўз ўйинимизни яхшилашга уринмоқдамиз. Ижобий натижага эришишни истасак, вазиятлардан фойдаланишимиз ва рақибга камроқ имконият беришга уринишимиз лозим.

Биз бир оилага айланиб, Чемпионлар Лигасида олға қадам босишга уриняпмиз. Жамоа, ўйинчилар, ташкилий масалалар билан олдинга қадам босамиз. Бутун мавсум учун тайёргарлик кўрдик. Мухлисларни жамоага яқинроқ қилишга интиламиз. Бунга ўз ғалабаларимиз билан ҳаракат қиламиз.

Ушбу стадионда муҳит ажойиб. Биз ишқибозларимизнинг қўллашини ҳис қиламиз. Мен янги клуб, шаҳар ва мамлакатни ўрганмоқдаман. Клубдаги илк кунимдан жамоа билан катта орзулар учун ишлаяпмиз. Биз учун қийин бўлиши мумкин, лекин келажак учун меҳнат қиляпмиз. Жамоада ҳамма бир-бирига ёрдам беришга интилиши зарур. Олдинда бизни узун мавсум кутиб турибди", - деди португалиялик мутахассис.

"Эртанги беллашув Тошкентдагидан кескин фарқ қилади деб ўйлайман. Рақиб ўйин бошидан шиддатли ҳаракат қилишини кутяпмиз.

Уларнинг таркибида жуда маҳоратли футболчилар бор. Биз уюшқоқлик билан камроқ хатоларга йўл қўйишга интилишимиз лозим. Жамоа билан ўйинга яхши тайёрландик ва буни кўрсата олишга умид қиламиз", - деди Жонатан Лукка.