Пеле яна реанимацияга тушди

Афсонавий бразилиялик футболчи Пеле яна реанимацияга тушди. Бу ҳақда ESPN нашри хабар тарқатмоқда.

Юқоридаги манбага кўра, футбол қиролининг соғлиғи кескин ёмонлашган, шунинг учун шифокорлар уни жонлантириш бўлимига ўтказишга мажбур бўлишган. Бироқ, Пеле тушкунликка тушмади. "90 дақиқа ва қўшимча вақтда ўйнашга тайёрман", - дейди бразилиялик футболчи.

Эслатиб ўтамиз, 80 ёшли Пеле бир неча кун олдин йўғон ичак ўсмасини олиб ташлаш учун операция қилинган эди.