Pep qamog‘idan ozod bo‘lgan Jek

APL 3-turi doirasida "Everton" "Vulverxempton"ni 3:2 hisobida taslim etdi. 

Ahamiyatlisi, mazkur bellashuvda "irischilar" safida yozda "Siti"dan kelib qo‘shilgan Jek Grilish 2 ta assist muallifiga aylandi. Qayd etish lozim, u bundan avvalgi "Brayton"ga (2:0) qarshi uchrashuvda ham sheriklarining ikki goliga assistentlik qilgandi. 

U o‘tgan mavsum "shaharliklar" safida APL doirasida butun mavsum davomida  atigi 1 ta gol va 1 ta assistni o‘z hisobiga yozdirib qo‘ygandi. 

Ayni vaqtda Jek APLda 4 ta assist bilan ushbu ko‘rsatkich bo‘yicha yaqqol etakchi bo‘lib turibdi.