Пьер-Эмерик Обамеянг: Африкалик эканлигимдан фахрланаман
Ads

Лондоннинг "Арсенал" клуби форварди Пьер-Эмерик Обамеянг ўзининг твиттердаги саҳифасида "Ливерпул"даги қитъадошлари Муҳаммад Салоҳ ва Садио Манелар билан бир қаторда АПЛ тўпурари бўлгани борасида ўз фикрини билдириб ўтди.

“Мен африкаликман ва бундан фахрланаман. “Олтин бутса”ни Салоҳ ва Мане каби биродарларим билан бўлишаман”, - деб ёзади габонлик футболчи.

Эслатиб ўтамиз, Обамеянг, Салоҳ ва Мане жорий мавсум АПЛда 22тадан гол уриб, мусобақа тўпурари бўлишди. Эътиборлиси, уларнинг барчаси Африка қитъасидан ҳисобланишади.