Перес Моуриньо ҳақидаги хабарларга муносабат билдирди

Флорентино Перес "Реал" бош мураббийлигига Жозе Моуриньо тайинланиши мумкинлиги ҳақидаги хабарларга муносабат билдирди.

Аввалроқ португалиялик мутахассис, ҳозирда "Бенфика"ни бошқараётгани ва мадридликлар раҳбарияти билан келишувга эришгани ҳақида маълумот тарқалганди. Расмий баёнот келаси ҳафта эълон қилиниши кутилмоқда.

"Мендан бу ҳақда сўрашларини ўйламаган эдим. Биз ҳозир жараённинг бу босқичида эмасмиз. Ҳозирги вазифамиз — “Реал Мадрид” клубини биздан тортиб олмоқчи бўлганларга қарши уни ҳимоя қилиш. Мен улар билан гаплашмоқчиман ва ўзларини таништиришсин. Улардан ҳаётида “Реал” учун нима қилганини сўрайман.

“Мадрид”га қарши бу абсурд кампанияга чек қўйиш керак. Бунчалик буюк “Реал” ҳеч қачон бўлмаган. Мени клуб тарихидаги энг яхши президент деб сайлашди, бу ҳақда гапиришнинг ўзи менга ноқулай. Бугун биз футбол ҳақида гапираётганимиз йўқ", — деди Перес матбуот анжуманида.