Перес: "Реал"даги муҳит аъло. Бир нечта чақимчилар бор эди, уларни аниқлаб олдик

Мадриднинг "Реал" клуби президенти Флорентино Перес сўнгги пайтларда жамоадаги муҳит кескинлашгани ҳақидаги фикрга қўшилмаслигини айтди.

7 май, пайшанба куни машғулот пайтида ярим ҳимоячилар Федерико Вальверде ва Орелен Тчуамени ўртасида оғзаки низо келиб чиққани ва бу кийиниш хонасида жанжалга айлангани маълум бўлди. Тўқнашув натижасида уругвайлик футболчининг боши ёрилган ва у касалхонага ётқизилган. Иккала футболчи ҳам 500 минг евро миқдорида жаримага тортилди.

– Кийиниш хонасидаги муҳит аввалгидек соғлом эмас, деган гаплар кўп. Бу ҳақда нима деб ўйлайсиз?

– Лекин у соппа-соғ. Булар сиз доим билган йигитлар ва уларнинг барчаси дўстлар. Аммо улардан бири машғулот пайтида бошқасининг оёғини босиб олиб, жаҳли чиқса, биз бундан муаммони ошириб юбормаслигимиз керак. Агар кимдир буни қилмоқчи бўлса, бу маълумотни ошкор қилгани учун.

Баъзилар: "Муаммо шундаки, улар муштлашяпти," дейишади. Йўқ, муаммо маълумотни ким тарқатаётганида. Муҳит аъло даражада. Фақат бир нечта қўтир қўйларгина бизга чақимчилик қилишди, лекин биз уларни аллақачон аниқладик.

– Тчуамени ва Вальверде жамоада ўйнашда давом этишадими?

– Менимча, ҳа, — деди Перес El Pais нашрига берган интервьюсида.