Пети: "Арсенал"га чемпионлик учун яна бир-икки трансфер керак"

Франция терма жамоасининг собиқ футболчиси Эммануэль Пети "Арсенал"нинг жорий мавсумдаги чемпионлик имкониятларига баҳо берди.

"Арсенал" "Манчестер Юнайтед"ни ёмон ўйинда мағлуб этди, лекин муҳим уч очкони қўлга киритди. Дарвоқе, МЮ яхши кўринишда бўлди. Яқинда уларни яна кучли рақиблар билан баҳслар кутмоқда ва мавсум боши қолган қисм учун ҳал қилувчи аҳамиятга эга бўлади.

Янги трансферлар — Виктор Дьёкереш ва Мартин Субименди ҳали Артета футболига мослашиш керак. Масалан, Дьёкереш кўпроқ ҳимоячилар ортидаги бўшлиқдан фойдаланишни ёқтиради, "Арсенал" эса асосан тўп назоратига таянади. Балки улар икки йил аввалги тезкор қарши ҳужум услубига қайтиши лозим бўлар. Шунда у жамоага кўпроқ ёрдам бера олади.

Бироқ "Арсенал"да ҳали ҳам таркиб чуқурлиги етишмайди. Сўнгги йиллардаги асосий муаммо – ротациянинг йўқлиги ва мавсумнинг иккинчи ярмида жароҳатлар сонининг кўпайиши. Агар шундай давом этса, жамоа сўнггигача курашиши мумкин, аммо чемпионлик жуда қийин бўлади. Шу боис, уларга трансфер ойнаси ёпилишидан олдин яна бир-иккита трансфер керак, айниқса қанотларга. Чунки Сака ўнг қанотда жуда изоляцияда қолмоқда, Эдегор эса ягона ҳақиқий плеймейкердир", – дея таъриф бериб ўтди.