Пике “Барселона”га қарши бош кўтарди

Яқинда “Барселона” билан маоши камайтирилган янги шартномани имзолаган Жерар Пике  клуб раҳбариятини қаттиқ танқид қилди.

- Мен ҳеч ким билан муносабатларим ёмонлашишини истамайман. Мен “Барса” ўйинчиси сифатида клуб раҳбарият аввалги ўйинчилар ва мураббийлар қаторида ҳозирги футболчиларни ҳам танқид қилишлари учун жуда кўп пул сарфлаганини кўрдим. Мен Бартомеудан бунга изоҳ сўрадим. У бўлса “Менинг хабарим йўқ”, деб қутилди. Бу ишларнинг бошида турган одамлар ҳамон клубда ишлаяпти. Буни ўзгартириш шахсан менинг қўлимдан келмайди. Лекин жим ҳам туролмадим, ҳамма билсин, - дейди Пике.

Гап шундаки, “Барселона” ижтимоий тармоқларда ва интернет оламида клуб президенти Жозеп Бартомеунинг имижини кўтарадиган компанияни ёллаган эди. Бу компания Бартомеунинг обрўсини ҳимоя қилиш баробарида клуб юлдузларининг ҳурматини тўкиш мақсадида турли информацион хуружлар уюштирмоқда.

“Барса” президенти ва директорлар кенгаши вакилларини ёқлаётган компания ижтимоий тармоқлар орқали Лионель Месси, Жерар Пике, Хави, Карлес Пуйоль ва Хосеп Гвардиола каби клубда самарали меҳнат қилган футболчи ва мураббийларнинг шаънини булғаб келмоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)