Пике: "Винисиусни "Барса"га таклиф қилдим"

"Барселона" ҳимоячиси Жерар Пике "Реал" ҳужумчиси Винисиус Жуниорни Каталония клубига таклиф қилганини айтди. 

"Мен Винисиус билан уни "Барса"га ўтишга ишонтириш учун гаплашганман", - деди Пике Twitch трансляцияси вақтида. 

Бразилиялик футболчи 2018 йилда "Фламенго"дан "Реал"га ўтганди. 

Винисиус жорий мавсум "Реал" сафида Ла Лига доирасида 21 та ўйинда майдонга тушиб, 12 та гол урди ва 5 та голли узатма муаллифига айланди.